De die primo et altero

Nunc fere finit alter dies conventiculi. Erat difficilis meo corpore se mutare ad zonam temporalem orientalem. Conventiculum huius anni est situm consuetis in aedibus in campo Lexingtoniensi Universitatis Kentuckiae, sed diminutum a Terentio nostro duce et conditore fatigato a turba proximi anni. Si quis conventiculo interesse velit, sacramentum ad Latinam solum loquendum dum in templo maneret ab eo subsignandum sit. Participes in conventiculo habent varios annos ab sex annis ad senectutem. Lecta in xenodochia, ubi dormimus sunt levata ad stellas Horatii, et difficilia ascendi et difficilia descendi et facillima cadendi caedendique, equidem proxima nocte ad solum fere cecidi. Non intellego cur meo telephono cellulario hac in regione uti non possum, sed meo nexo ad interrete maxime fungitur. His in sessionibus excerptus auctorum clarissimorum antiquorum legimus et orationes de variis rebus e nostris praesertim de artibus dolisque discipulos docendi audivimus.